«Հսկաների երկիր»՝ էլեկտրական աշտարակները արվեստի գործերի վերածող նոր նախագիծ

«Հսկաների երկիր» նախագիծը (The Land of Giants™) նպատակ ունի Իսլանդիայի սովորական էլեկտրական աշտարակները վերածել մարդկային հսկա արձանների: Ճարտարապետները գոյություն ունեցող պողպատե աշտարակների նախագծում փոքր փոփոխություններ են կատարել և ստեղծել են 150 ֆուտ բարձր մարդկային կերպարանքով արձաններ, որոնք հզոր և տպավորիչ են տեսնում:

 

Այս արձան-աշտարակները կարող են տարբեր ժեստեր արտահայտել՝ կախված շրջակա միջավայրից: Երբ էլեկտրական մալուխները բարձրանում են լեռը, աշտարակները կարող են առնել բարձրացող մարդու դիրքը: Երկար հեռավորությունների վրա դրանք կարող են ձգվել՝ ավելի բարձր դառնալու համար, կամ ծռվել՝ ավելի ամուր լինելու համար: Ձեռքերը և գլուխը փոփոխելով՝ հնարավոր է ստեղծել տարբեր հետաքրքիր արվեստի գործեր:

 

Կառուցվածքային տեսանկյունից այս նախագիծը հիմնված է գոյություն ունեցող ցանցային աշտարակների փոփոխության վրա: Բոլոր մարդանման աշտարակները պատրաստվում են նույն հիմնական մասերից՝ մարմին, ձեռքեր, ոտքեր, գլուխ: Դա թույլ է տալիս ստեղծել տարբեր մարդանման աշտարակներ, պահպանելով ցածր արժեքը շնորհիվ ստանդարտ արտադրության:

 

Նախագիծը լայն ճանաչում է ստացել: 2008 թվականին հաղթել է Իսլանդիայի բարձրավոլտ էլեկտրական աշտարակների միջազգային մրցույթում: 2010 թվականին ստացել է Բոստոնի ճարտարապետների ընկերության մրցանակ: Այն հրապարակվել է տասնյակ միջազգային լրատվամիջոցներում՝ The Telegraph, Le Figaro, CNN, BBC և այլուր: Ներկայումս «Հսկաների երկրի» մակետը ցուցադրվում է Կանադայի՝ Օտտավայում գտնվող գիտության և տեխնոլոգիայի թանգարանում:

 
Տե՛ս աղբյուրը։